Даниел Лорер од победничката партија на изборите во Бугарија „Продолжуваме промената“ во телефонска изјава за БТВ радио истакна дека датумот 14 декември е нереален како краен рок за изнаоѓање решение на спорот меѓу Бугарија и РС Македонија, пренесува Трибуна.
Тој подвлече дека правата на македонските Бугари се од првостепено значење за Бугарија и најави средба со нивни претставници.
„За почитувањето на правата на македонските Бугари има разбирање и од двете страни Пред нас се преговори во кои ќе изјасниме врз основа на фактите, а не на шпекулации, доколку тие права биле нарушени. Ќе зборуваме со претставниците на македонските Бугари, за да изградиме заедничка позиција, со која да одиме напред заедно“, изјави Лорер.
Спомнатиот од претставникот на РС Македонија Владо Бучковски, како можен иден шеф на дипломатијата на Бугарија истакна уште дека работата на историската комисија ќе врви паралелно со решавањето и на другите отворени прашања меѓу двете земји, какво што е и прашањето за економската соработка меѓу Софија и Скопје.
Лорер не даде конкретен одговор дали навистина тој ќе биде идниот министер за надворешни работи на Бугарија.
Целиот разговор на Даниел Лорер можете да го слушнете на следниот линк.
