Спортскиот директор Паоло Малдини бил човекот кој му застанал на патот на извршниот директор Иван Газидис да го убеди фудбалерите да ја подржат идејата за настап во Супер лигата. Токму тој го спречил Газидис да го стори тоа, иако навивачите на оваа екипа се прашуваа што правел во моментите кога Милан се согласил да се потпише на документот за Суперлигата.
-Фактот дека не ми кажаа што се случува, не ме ослободува од одговорноста да им се извинам на навивачите, и тоа не само тие на Милан, туку на сите во светот. Секако, директор на голем клуб во 2021 година знае дека приходите се важни и дека гарантираат стабилност, па затоа мора да се прашаме дали може да извлечеме поука од оваа ситуација, изјави Малдини.
