Британски „Телеграф“ тврди дека Френк Лампард денеска и официјално ќе добие отказ во Челси по лошите игри сезонава.
Челси вчера со 3:1 го совлада Лутон во ФА купот, но ниту таа победа не донесе привремен мир на „Стемфорд бриџ“.
„Сините“ играат лошо во Премиер лигата, моментно се на деветтата позиција на табелата, а во последните пет натпревари успеаја да го победат само Фулам, одиграа нерешено со Астон Вила и загубија од Лестер, Манчестер сити и Арсенал.
Сопственикот на Челси, Роман Абрамович го загуби трпението со Лампард, и според „Телеграф“ од клубот им порачале на играчите да не доѓаат на тренинг денеска, што е најава за отказ на менаџерот.
Според дел од медиумите, наследник на Лампард на клупата на Челси ќе биде довчерашниот тренер на ПСЖ, Томас Тухел.
Ex-PSG manager Thomas Tuchel is the favourite to replace Frank Lampard at Chelsea, per @FabrizioRomano https://t.co/AGG8T7LFTQ
— B/R Football (@brfootball) January 25, 2021
