Владата предводена од СДСМ и премиерот Зоран Заев, набрзо по прогласувањето на светската пандемија од Ковид 19, креираше економски пакети , рече Богданка Кузеска, портпаролка на СДСМ.
„Владата предводена од СДСМ и премиерот Зоран Заев, набрзо по прогласувањето на светската пандемија од Ковид 19, креираше економски пакети во којшто се вклучени низа мерки со цел полесно справување со последиците предзвикани од коронакризата врз стопанството, граѓаните, работниците, младите, пензионерите….
Согласно усвоената информација од страна на Владата на Република Северна Македонија, за статусот на реализација на економски мерки , со досегашните пакет мерки, спасени се стотици илјади работни места, поддржани се илјадници компании…
Анализата покажува дека одговорот на фискалната политика на пандемијата во државата беше брз и за претпријатијата и вработените во најпогодените дејност, како и за ранливите категории на граѓани.
Економските мерки коишто ги презеде Владата предводена од СДСМ, имаа силно влијание и во ублажувањето негативните последици врз доходот и потрошувачката на домаќинствата, како и активноста на деловните субјекти.
Фискалниот стимул на досега реализираните мерки изнесува 704 милиони евра, односно 6,5% од БДП.
Оттука, се проценува дека падот на економската активност е ублажен, односно без овие мерки, согласно анализата, падот на економската активност би бил повисок за 3,9 процентни поени во 2020 година, односно би изнесувал -8,4%, наспроти остварениот пад од 4,5%.
Четирите анти-ковид економски мерки значително придонесоа и за ублажување на последиците во однос на стапката на невработеноста.
Во првото тромесечје на минатата година стапката на невработеност порасна од 16,2% на 16,7%, додека пак во третото и четвртото тромесечје бележи постепено намалување на 16,5% и 16,1%, со што просечната стапка на невработеност во 2020 изнесува 16,4%.
Во однос на просечната месечна нето-плата во 2020 година забележан е раст од 7,8%, како резултат на мерките коишто владата предвоена од СДСМ, ги презема пред пандемијата.
Со петтиот пакет мерки, поддршката на најпогодените од коронакризата продолжува со финансирање на малите и средни претпријатија и средно пазарно капитализирани претпријатија, а ќе се реализира со договор помеѓу Европската инвестициона банка и македонската Развојната банка, со што 100.000.000 евра ќе се наменат за поддршка на нови проекти, нови вработувања, зголемена ликвидност на стопанството и зголемен извоз.
Досегашните анти-ковид економски мерки ја постигнаа целта за кој се наменети и го дадоа својот резултат.
Во време на светска и економска криза, исклучително е важна поддршката од државата за секој кој што директно ги чувствува економските последици предизвикани од коронавирусот.
СДСМ и натаму останува посветена на креирање мерки и политики со коишто ќе се ублажат штетите настанати како резултат од коронакризата“, изјави на денешната прес-конференција Богданка Кузеска, портпаролка на СДСМ.
