Германскиот министер за финансии Јорг Кукис изрази поддршка за влезот на Бугарија во еврозоната, истакнувајќи дека земјата напредува кон целта, иако претстојат некои предизвици. Министерот Кукис ова го најави во интервју за БТА на маргините на форумот Пролетни средби на Меѓународниот монетарен фонд (ММФ) во Вашингтон.
Кога бил прашан дали очекува Бугарија да го усвои еврото во 2025 година, Кукис признал дека постојат „некои статистички прашања поврзани со инфлацијата“. Сепак, по разговорот со бугарската министерка за финансии Теменужка Петкова, тој добил уверение дека овие пречки ќе бидат надминети.
„Германија ја поддржува Бугарија на нејзиниот пат кон еврозоната“, истакнал Кукис, изразувајќи оптимизам дека земјата ќе стане полноправен член на еврозоната во 2026 година.
