„Не беше изгласан антибугарскиот амандман во Извештајот на Европскиот парламент за за напредокот РС Македонија“, изјави за бугарската агенција БГНЕС европратеникот Андреј Ковачев.
„Го спречивме најлошото. Мислам дека е голем успех тоа што успеавме да мобилизираме голема поддршка за ова гласање “, вели Ковачев, додавајќи дека двата амандмани поднесени во име на ЕНП од самиот него биле изгласани.
Амандманите се поврзани со одлуката на ЕП дека претходните препораки за недискриминација на лица кои отворено ја изјавуваат својата бугарска припадност или потекло не се спроведени и дека сè уште е проблем да истакнеш дека имаш нешто заедничко со Бугарија.
„Вториот амандман инсистира на историско помирување засновано врз нашата заедничка бугарска историја, како што е запишано во Договорот за пријателство и добрососедство“, вели Ковачев.
Иако се од консултативна природа, извештаите на ЕП за напредокот земјите кандидати ги одразуваат чувствата на различните политички сили во Европскиот парламент.
Во последниот момент пред гласањето, групите на Зелените и социјалистите во ЕП поднесоа предлози за измени и дополнувања на извештајот со крајно неизбалансирана, еднострана и нефер содржина насочена Бугарија. Во нив, претставници на бугарската влада беа обвинети за „провокативни изјави за историски прашања“ што ја засегаат РС Македонија и ги повикаа бугарските власти да се воздржат од такви изјави „и покрај тековната изборна кампања во Бугарија“.
