Деновиве странските медиуми почнаа повторно да шпекулираат дека Кортни Кардашијан наводно е во љубовна врска со тапанарот на „Blink-182“, Тревис Баркер.
41-годишната Кардашијан со години била пријателка со познатиот музичар, но во последниот период нивното пријателство прераснало во љубовна врска, изјавил извор за „Пипл“.
За време на викендот, и двајцата на социјалната мрежа „Инстаграм“ објавија фотографии од викендичката на Крис Џенер во Палм Спрингс, оттаму дополнително ги разгореа гласините.
„Заедно се во Палм Спрингс. Тие се во врска веќе еден или два месеци“, изјавил изворот за „Пипл“, тврдејќи дека тие се познавале многу одамна и долго време биле пријатели.
Кортни има три деца со поранешниот партнер Скот Дисик, Мејсон (11), Пенелопи (8) и Реин (6). Двојката беше заедно скоро една деценија пред официјално да се разделат во 2015 година.
Баркер пак, беше во брак двапати и има две деца, Лендон (17) и Алабама (15) со неговата втора сопруга, актерката Шана Моаклер со која беше во брак од 2004 до 2008 година. Тој исто така е очув на Атиана (21) која Моаклер ја добила со боксерот Оскар Де ла Хојa.
Медиумите во 2015 година, Баркер го поврзуваа со Рита Ора, додека Кортни се забавуваше со моделот Јунес Бенџим во 2017 и 2018 година.
Ова не е прв пат да се пишува за нивната романса, но во март 2019 година, Баркер негираше дека е во врска со Кортни.
„Корти е моја драга пријателка. Тоа е тоа“, изјави тој во тоа време.
„Мислам, ја сакам до смрт. Го сакам нејзиното семејство. Но, да, ние сме само пријатели“, истакна тој.
Сега, откако повторно се мета на медиумите Тревис и Кортни се прилично тивки, не ги поврдуваат или негираат гласините.
