Најновите податоци на Државниот завод за статистика говорат дека дури 107.022 денари бруто, односно 70.194,00 денари била просечната плата во месец март во дејноста комјутерско програмирање, консултански и сродни дејности.
Тоа значи дека програмерите во државава се убедливо највисоко на листата најплатени работници во земјава.
![](https://zoom.mk/wp-content/uploads/2021/05/Screenshot_2-18.jpg)
Во просек, со солидни 48.734 денари се вработените во областа телекомуникации, додека пак во дејноста производство на основни фармацевтски производи и фармацевтски препарати земаат просечна плата од 46.501 денари плата.
Според податоците, просечната месечна исплатена нето-плата по вработен во март 2021 година, во однос на март 2020 година, пораснала за 6,8 проценти.
Ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Уметност, забава и рекреација (18.3 %), Информации и комуникации (12.2 %) и Дејности на здравствена и социјална заштита (12.0 %).
Зголемување на просечната месечна исплатена бруто-плата по вработен, во однос на претходниот месец, е забележано во секторите: Рударство и вадење на камен (15.5 %), Дејности на здравствена и социјална заштита (5.2 %) и Градежништво (3.7 %).