Фудбалерите на Реал Мадрид во средата вечерта ја декласираа Мајорка со 6-1, а натпреварот, меѓу другото, ќе се памети и по тоа што Карим Бензема го постигна својот 200-ти гол во Ла Лига и со тоа стана само 10-тиот играч во историјата што го сторил тоа.
Тренерот на кралскиот клуб, Карло Анчелоти, со избрани зборови зборуваше со францускиот напаѓач.
„Фактот што постигна толку многу голови може да ве натера да заборавите дека тој е одличен и во другите сегменти на играта, вклучувајќи ги и асистенциите. Тој е комплетен напаѓач, кој знае се за топката, не само да постигнува голови “, рече Анчелоти, а потоа го спомена српскиот репрезентативец:
„Кога Бензема ќе се измори, ќе го ставиме Лука Јовиќ бидејќи мислам дека му оди добро. Тешко му е на Јовиќ бидејќи има толку силна конкуренција. Но, она што игра малку, му оди добро. Играше добро против Мајорка, но и во Валенсија. Кога Бензема треба да се одмори, тој ќе игра“.
