Израел вели дека вакцинирал 1 милион луѓе против Ковид-19, повеќе од една десетина од нејзиното население, додека ја организира една од најраните и најбрзите кампањи за инокулација во светот.
Премиерот Бенјамин Нетанјаху беше присутен кога милионитиот Израелец прими вакцина во арапскиот град Ум ал Фам. Нетанјаху го нарече тоа момент на „голема возбуда“.
Арапите сочинуваат околу 20 проценти од израелското население и бавно ја прифатија кампањата за вакцинација. Тие имаат израелско државјанство и право на глас, но се соочуваат со дискриминација во домувањето и во други области, придонесувајќи за широко распространета недоверба кон властите.
Нетанјаху рече „за мене е важно арапската јавност во Израел брзо да се вакцинира“, затоа што „тоа спасува животи“. Истата порака ја достави во центарот за вакцинација во Тира, друг арапски град, на новогодишната ноќ.
Според податоците на АП Израел води во светот во вакцинациите по глава на жител.
Израел во моментов се наоѓа во третата национална блокада за да се спречи заразата. Тој пријави повеќе од 426.000 случаи и најмалку 3.338 починати од почетокот на пандемијата.
