Меѓународна истражувачка група научници, меѓу кои и вирусениот имунолог Лука Шичин-Шаин од Хрватска, успеале да изолираат антитело кое реагира на делта сојот на корона вирусот.
Тоа е лек што спречува корона вирусот да навлезе во клетките и со тоа да го пробие неговиот ланец на ширење низ телото. Тестиравме и докажавме дека нашиот лек работи не само во клеточна култура, туку и во живи организми. Во тек се првични клинички истражувања. Нашето антитело е изменето за да се поврзе со вирусот, но не и со клетките на имунолошкиот систем и, според тоа, веруваме дека го намалуваме ризикот од предизвикување несакани воспалителни последици од ваквото терапевтско дејство – истакна Шичин-Шаин за хрватската државна телевизија ХТВ.
Тој додаде дека големите компании развиваат антитела, но има и бројни други тимови и напори за развој на лекови кои ќе бидат насочени кон ензимите што ги има вирусот, а ги нема нашето тело.
Постои и класа лекови кои делуваат против прекумерен имунолошки одговор, затоа што знаеме дека кај тешки пациенти проблемот е во бурата цитокин што се јавува како последица на прекумерна имунолошка реакција на организмот, затоа се развиваат лекови за намалување на имунолошкиот одговор – посочува Шичин-Шаин.
Тој се осврна и на вакцините против Ковид-19 истакнувајќи оти се ефикасни и безопасни.
Дистрибуирани се над три милијарди вакцини. Веќе не е експериментална вакцина, тестирана е на голем број луѓе и гледаме дека е ефикасна и многу безопасна. Постојат несакани ефекти и тие внимателно се следат. Ризиците од вакцините се далеку помали од ризикот од инфекција. Односот е еден на 10.000. Препораката е луѓето да се вакцинираат и се надевам дека мнозинството ќе ја послуша препораката – наведува Шичин-Шаин.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
