Германските медиуми објавија дека селекторот на Германија, Ханси Флик, на списокот на играчи за Катар 2022, ќе го вклучи и 17-годишниот талент на Борусија Дортмунд, Јусуфа Мукоко. Напаѓачот сезонава блеска кај „жолтите“ каде во првите 12 предизвици постигна шест гола и даде три асистенции. Тимо Вернер го пропушти Светското првенство, откако ги скина лигаментите на предизвикот против Шахтјор Доњецк, а неколкуте алтернативи во нападот го натераа Флик сериозно да размислува за алтернативата на Мукоко.
Само напаѓачот по последниот предизвик каде постигна два гола против Бохум, стави до знаење дека е во постојан контакт со селекторот на репрезентацијата, додека германските медиуми станаа факт дека тој ќе биде во ростерот.
Фантастична можност за 17-годишникот, бидејќи може да ја добие првата покана од репрезентацијата директно на големо натпреварување за кое сонуваат сите фудбалери да учествуваат. Мукоко досега одигра само 4 натпревари со Германија У-21 каде постигна шест гола.
