Напаѓачот на Милан, Златан Ибрахимовиќ, наводно ги прекршил ограничувањата поради коронавирусот.
Градот Милано е црвена зона и рестораните се главно затворени, но шведскиот напаѓач наводно го прекршил протоколот и вечерал во ресторанот на неговиот пријател со поранешниот соиграч Игнацио Абате.
Тано Симоната е пријател на Златан кој го отворил ресторанот само за да може Швеѓанецот да вечера.
„Ибра дојде кај мене со Абате и уште еден драг пријател, бевме таму неколку часа и потоа тие заминаа дома“, наводно рекол сопственикот на ресторанот.
„MilanNews“ објави дека извори блиски до Златан тврдат дека тоа е само деловна средба која траела околу еден час и дека нема смисла да се обвинува Ибрахимовиќ дека не ги почитува воведените мерки за спречување на ширење на коронавирусот.
