Копнените сили на Украина објавија фотографии кои ги прикажуваат последиците од разорувањата во Костјантинивка, во Донецката област, наведувајќи дека овој дел од фронтот е под сè поинтензивни напади од месец во месец. Во објавата се посочува дека градот од јуни 2025 година се соочува со закана од хуманитарна катастрофа, бидејќи руските удари уништуваат клучна инфраструктура и ги оставаат жителите без струја, гас и стабилно водоснабдување.
Според информациите објавени на Facebook, во градот останале околу 4.800 цивили и локалните власти истакнуваат дека евакуацијата е сè уште возможна, иако е крајно ризична.
„Изгорените автомобили на периферијата и долж главните патишта покажуваат колку се опасни и тешки евакуациските операции“, соопштила украинската копнена војска.
„Но, останокот во градот е уште поопасен. Непријателот непрекинато фрла наведувани авионски бомби врз станбени квартови, претворајќи ги во пекол на земјата“, се додава во описот.
Костјантиневка со месеци е под масовни напади, вклучително и од дронови, а според надзорната група DeepState, во ноември градот е опколен од руските сили од три страни, при што борбите се приближуваат кон урбаното подрачје.
Текстот Интензивни руски напади врз Костјантинивка: уништена инфраструктура е превземен од МАКФАКС.
