Ханси Флик ќе го предводи Баерн до крајот на месецот, а од летото е нов селектор на Германија, објави Минхенски „Абденцејтунг“.
Споменатиот медиум наведуваат дека Флик постигнал договор со Германската фудбалска асоцијација (ДФБ) и следната недела официјално ќе биде промовиран во нов селектор на поранешниот светски шампион.
Пред помалку од две недели, Флик ја потврди својата намера да го напушти Баерн Минхен. Иако договорот со тренерот на германскиот шампион важи уште две години, тој побара предвремено раскинување на договорот спогодбено, а со цел Баерн да добие одредена парична компензација, беше договорен пријателски натпревар помеѓу Баерн и германската репрезентација . Собраните средства одат во касата на Баерн, така што овој клуб може да биде платен до одреден степен за Флик, со кого имаше договор.
Баерн првично одби да ја прекине соработката со Флик, но потоа излезе веста дека паднал договорот со новиот тренер Јулијан Нагелсман, а сега е објавено дека Флик дефинитивно ќе го наследи Јоаким Лев на клупата на Германија.
„Абдензајтунг“ дури наведува дека ДФБ ќе го објави ангажирањето на Флик пред натпреварот против Борусија Моенхенгладбах, кој Баерн ќе го игра на 8 мај. „Абендзајтунг“ додаде дека асистенти на Флик во националниот тим ќе бидат неговите поранешни соработници на Баерн, Мирослав Клосе и Дени Роел.
Флик ќе ја започне својата работа во Германија по завршувањето на Европското првенство, што ќе биде последниот предизвик на Лев на клупата на оваа репрезентација. Флик беше асистент на Лев во националниот тим од 2006 до 2014 година, кога, на крајот на краиштата, селекцијата беше светски шампион на Светското првенство во Бразил.
Флик го презеде Баерн во ноември 2019 година и за помалку од две години работа со тимот ги освои сите можни трофеи, и е близу до одбрана на титулата во Германија. И покрај фактот дека и фудбалерите и навивачите го обожаваа, постојан разговор се водеше за конфликтот меѓу него и Хасан Салихамиџиќ како спортски директор, и тоа на крајот беше една од главните работи што доведоа до крај на соработката.
Откако беше потврдено дека Нагелсман ќе го преземе кормилото на клубот од Минхен, Салихамиџиќ исто така најави дека му посакува сè најдобро на Флик во иднина.
„Сакам да му се заблагодарам на Ханси Флик. Со него славевме голем број победи и титули, тројката од минатата година беше врв. Овие успеси ќе останат испишани со неговото име. Му посакувам се најдобро во иднина“, изјави Салихамиџиќ кажа.
Флик неодамна јавно откри дека го напушта Баерн на лето и реши да биде првиот кој ќе им ја соопшти оваа вест на играчите.
„Сакам да ја прекинам соработката на крајот на сезоната. Тоа е факт и беше многу важно за мене тимот да го слушне тоа од мене. Одлуката не беше лесна за мене. Јас сум навивач на овој клуб и јас ќе бидам вечно благодарен за шансата што ми ја дадоа. Направивме одлична работа во изминатите скоро две години и јас сум импресиониран од квалитетот што го има тимот“, рече Флик.
