Хамас објави дека на неодредено време го одложува ослободувањето на следната група израелски заложници кои се држат во Газа, велејќи дека Израел не се придржувал до условите од нивниот договор за прекин на огнот.
Повеќе заложници требаше да бидат ослободени завчера во замена за десетици палестински затвореници како дел од договорот за прекин на огнот што стапи на сила на 19 јануари, но портпаролот на Хамас, Абу Обеид рече дека нема да ослободи повеќе заложници до понатамошно известување.
Досега имаше пет размени на заложници и затвореници во првата фаза од тековниот прекин на огнот, при што Хамас завчера ослободи тројца за кои многумина, вклучително и Трамп, коментираа дека изгледаат изгладнето.
Израелскиот министер за одбрана Израел Кац денеска изјави дека најавата на Хамас да престане со ослободувањето на заложниците е кршење на договорот за прекин на огнот во Газа и дека и наредил на армијата да биде на највисоко ниво на готовност во Газа.
