Тим истражувачи успеале делумно да му го вратат видот на слеп човек користејќи нов вид на генска терапија, покажа неодамнешното истражување објавено во списанието „Nature Medicine“.
Ова е главна пресвртница за генската терапија која може ефикасно да ја смени состојбата кај лица со речиси тотално слепило, и вклучува инјектирање протеин чувствителен на светлина во окото на пациентот, кој потоа се активира со специјални наочари.
„Наодите го потврдуваат концептот и докажуваат дека е можна употреба на оптогенетска терапија за делумно враќање на видот“, вели Ботонд Роска, директор на Институтот за молекуларна и клиничка опталмологија во Базел, според извештајот на „Technology Networks“.
„Да се види за прв пат дека делува – дури и само кај еден пациент и на едното око – е возбудливо“, вели неврологот Ехуд Исакоф од Универзитетот во Калифорнија, Беркли, кој не бил вклучен во студијата, стои во извештајот на „The New York Times“.
На почетокот на април, со помош на овој метод кај пациент со генетска форма на детско слепило наречена „Leber congenital amaurosis“ (LCA) кој исто така влијае на мрежницата, успешно беше вратен и делумно задржан видот само по едно вбризгување на експериментална терапија со „RNA“ во окото на пациентот.
Сепак, новите резултати им даваат надеж на научниците кои се обидуваат да го обноват видот кај луѓето кои страдаат од други нарушувања на очите. Всушност, новата терапија ги претвора ганглиските клетки во нови клетки на фоторецепторите, и покрај нивната неможност да ја фатат светлината во нивната првична форма.
Имено, истражувачите користеле протеини развиени од алги и микроби за да ги претворат сите нервни клетки во биолошки чувствителни на светлина.
Ова е многу голем чекор кон лекување на нарушувања кои предизвикуваат слепило, проширувајќи го капацитетот на научниците да понудат реални решенија за генетски наследени случаи на сериозно слепило.
Но, иако новото клиничко испитување претставува голема пресвртница од ерата на 2000-тите години на тестирање на манипулација со протеини во мозочните клетки на слепи глувци, претпазливиот оптимизам е исклучително заслужен: ова не е лек за слепило, но новата терапија базирана на гени дава легитимна причина за нова надеж против слепилото.
