Африм Гаши, лидер на опозициската Алтернатива, смета дека претседателот Стево Пендаровски го дал одговорот на неговото прашање упатено пред неколку дена – дали првиот човек на ДУИ Али Ахмети барал амнестија на поранешниот премиер Никола Груевски?
„На нашето прво јавно прашање – дали Ахмети ги молеше, до небо, некои од меѓународната заедница, на средба во Скопје, да дозволат амнестија за Груевски, одговори Пендаровски. Ви благодариме Претседателе што ја потврдивте нашата информацијата. После ова се надевам дека редно е да одговори и тој на кого му е поставено прашањето“, напиша Гаши на Фејсбук.
