Вака се пребројуваа синоќа гласовите во штабот на ДУИ во Чаир.
ДИК на официјалната страна ги објави резултатите од првиот круг од локалните избори за општина Чаир.
Од обработените гласови, кандидатот на ДУИ, Висар Ганиу добил 12.990 гласа, односно 48.90% од гласовите. Втор на листата е кандидатот на АА-ААА, Беким Сали со 9.824 гласа, односно 36.98%. Трет е кандидатот на Движење Беса, Кастриот Реџепи со 1.096 гласа или 4.02% и Демократскиот сојуз на Бошњаците со 590 гласа односно 2.22%.
Вкупниот број гласачи кои гласале во оваа општина изнесува 26.563
Вкупниот број на важечки гласачки ливчиња 24.723
Вкупниот број неважечки ливчиња 1.841
Учество на гласачи 45/75%
Според резултатите, кандидатот на ДУИ, Висар Ганиу и Сали на АА-ААА одат во втор круг.
Во Бутел нема да има втор круг бидејќи Дарко Костовски од ВМРО-ДПМНЕ освои 9.012 гласа односно 52.79% . Тој ќе раководи со Бутел во следните 4 години. Актуелниот градоначалник од СДСМ, Велимир Смилевски освоил вкупно 6.831 глас или 40.01%. 1.229 се неважечки гласачки ливчиња.
