Странските медиуми пренесуваат дека Том Круз е во врска со 20 години помладата актерка Хајли Атвел, со која глуми во најновото продолжение на „Невозможна мисија“ чие снимање е во тек. Странските медиуми постојано пишуваат дека Том и Хајли се неразделни уште од првиот ден. Тоа е голема вест со оглед на тоа што Том од 2012 година не бил во сериозна врска откако се разведе од колешката Кејти Холмс, со која ја има 14-годишната ќерка Сури, додека 38-годишната Хајли неодамна се разделила од еден британски доктор.

Фото: Профимедиа

„Том и Хајли се заљубени од првиот ден. Карантинот и сите потешкотии кои дојдоа со него уште повеќе ги зближија и тие не се одвојуваат еден од друг“. Тие се состануваа по работното време, а таа живее во близина на неговиот лондонски стан. Одлично се согласуваат и изгледа дека и двајцата се многу среќни“, изјави анонимниот извор за „The Sun“. Том пред бракот со Кејти Холмс беше оженет со Никол Кидман од 1990 до 2000 година и беа еден од најмоќните холивудски парови. Тие заедно ги посвоија денес 25-годишниот син Конор и 27-годишната черка Изабела, а децата поради Том го прифатија верувањето во Скиентолошката црква во која и тој самиот припаѓа.

Фото: Профимедиа

Првата жена со која Том Круз беше во брак е исто така актерка, Мими Роџер, со која се венчаше во 1987 година, а се разведоа три години подоцна и наводно таа го вовела во Скиентологијата, на која тој и остана и до ден денес верен.