Златната девојка на Холивуд и на сите омилената актерска легенда Бети Вајт наполни 99 години. Зад неа цврсто стои блескавата кариера исполнета со повеќе од 120 улоги, а како што вели таа, уште долго планира да се занимава со актерството.
Таа го стекна статусот американско национално богатство, а публиката ширум светот на памет може да ги изрецитира нејзините легендарни реченици од сериите како „Златни девојки“ и „Лудница во Кливленд“.
Таа е екстремно талентирана актерка која го краси речиси секој американски ситком, а за првпат се прославила на само 16 години, но по појавата на Втората светска војна морала да волонтира во војската. Со сериозната кариера започнала дури по 1945-та година и тоа како водителка, а подоцна како актерка.
Издвоивме неколку од нејзините најпознати и најдуховити изјави:
– Луѓето често ме прашуваат: Што се уште не сте изработиле во работата, а отсекогаш сте го сакале?, а мојот одговор секогаш е ист – Роберт Ретфорд.
– Секогаш ме привлекувале постари мажи. Но, постои еден проблем – во мои години не останаа многу од нив.
– За убавина се потребни осум часа сон, доколку сте премногу грди, тогаш девет.
– Мислам дека водката е еден вид на добро хоби.
– Пријателите ме наговараа да отворам профил на Фејсбук за полесно да ги пронајдам старите пријателства, но мене за таа цел ми треба табла за повикување духови.
– Мажите отсекогаш беа мое хоби, иако тие не знаеа за тоа.
– Јас сум вистински вљубена во здравиот живот, мојата омилена храна се помфритот и виршлите. А кога станува збор за вежбањето – јас живеам во куќа на два ката, а бидејќи сум често заборавена, морам постојано да одам по скалите горе доле.
– Мојот проблем со пластичната хирургија е тоа што кога ќе ги сретнам старите пријателки јас не ги препознавам. Само гласот им го препознавам, но тука пред мене стои некое лице кое никогаш не сум го видела. Затоа не го очекувајте тоа од мене.
– Многу ги сакам децата, но тие сепак растат во возрасни луѓе, па токму затоа повеќе ги сакам животните отколку луѓето.
Бети веќе влезе во историјата на кинематографијата, таа во 2014 година влезе во Гинисовата книга на рекорди како актерка со најдолга кариера – таа цели 82 години ги поминала на екранот. Таа се уште гордо ја носи оваа титула.
Бети во текот на кариерата е номинирана 20 пати за Еми наградата, од кои освоила дури 7 Еми награди. Во 2009 година благодарение на улогата во филмот „Веридба“ со Сандра Булок нејзината популарност нагло порасна. Во 2011 година таа беше прогласена за најпопуларна и најомилена јавна личност во САД.
Среќен роденден Бети Вајт!
