Даринка Дара Чалениќ, позната по улогата на Дара во филмската серија „Жикина династија“, почина денес на 87-годишна возраст по долго и тешко боледување.
Во оваа прилика, Владимир Петровиќ кој го паметиме како Боба, синот на Дара и Жика од популарната серија, преку својот инстаграм – профил се збогуваше со неговите колеги.
На оваа социјална мрежа тој со трогателни зборови се прости од своите, како што вели, „филмски родители“, Дара Чалениќ и Драгомир Бојаниќ Гидра.
Odoše mi i filmski roditelji.
Neka im je večna slava… pic.twitter.com/0umQrhUNi6— Vladimir Petrovic (@vlada5pet) March 12, 2021
„Заминаа и моите филмски родители. Нека им е вечна слава… “, напиша кратко актерот во објавата со заедничката фотографија од незаменливите Дара и Жика.
Во својата кариера играла над 40 главни улоги на сцената. Учествувала во многу драмски претстави, бројни серии, забавни и детски програми на телевизија. Играше голем број улоги и во филмови како „Кога ќе бидам мртов и бел“, „Госпоѓа министерка“, „Чувар на плажа во зима“, „Пат околу светот“ и други
Таа се пресели во Америка со нејзиниот сопруг Владимир Петриќ, со кого ја основа фондацијата „Дара Чалениќ“.
