Премиерката на Финска, Сана Марин, најави построги тринеделни епидемиолошки мерки поради зголемувањето на бројот на новоинфицирани со коронавирусот.
Владата најави дека мерките ќе бидат на сила од 8 март и нема да вклучуваат полициски час, но со нивното воведување, угостителските објекти ќе бидат привремено затворени.
– Advertisement –
Исто така, се наведува дека за сите ученици кои имаат 13 години или повеќе, часовите преку Интернет ќе бидат задолжителни.
Премиерката рече дека е подготвена да прогласи вонредна состојба следната недела и дека веќе разговарала за тоа со претседателот, пренесува Ројтерс.
– Ако чекаме ситуацијата да се влоши, ќе биде уште потешко да се запре – рече Марин.
Иако Финска во моментов има трета најниска стапка на инфекција во Европа, по Исланд и Норвешка, се забележува забележителен дневен скок на бројот на новоинфицирани.
