Лидерите на Финска најавија дека земјата треба да поднесе барање за приклучување кон одбранбениот сојуз на НАТО „без одлагање“.
Нивната поддршка го отвора патот за донесување конечна одлука со вклучување на парламентот. Финска дели 1.340 километри границасо Русија, а инвазијата на Украина ја зголеми поддршката на јавноста за приклучување кон НАТО.
Шведска би можела да го следи примерот во наредните денови, а Русија издаде предупредувања до двете земји дека ќе се соочат со последици.Во средата, британскиот премиер Борис Џонсон им понуди безбедносни гаранции на Шведска и Финска.
Претседателката на Европската комисија Урсула Фон Дер Лајен во меѓувреме ја нарече Русија „најдиректна закана“ за светскиот поредок.
