Владата на Финска одлучи целосно да ги затвори сите копнени гранични премини со Русија од 30 ноември до 13 декември, објави премиерот Петери Орпо.
Според него, Хелсинки смета дека краткорочното и целосно затворање на граничните премини ќе биде ефикасно решение за проблемот со приливот на мигранти од руска територија во Финска.
„Целта е што поскоро да се нормализира ситуацијата на границата со Русија“, рече тој, пренесува Интерфакс.
Финска на 18 ноември затвори четири гранични премини во југоисточниот дел на државата до 18 февруари, наведувајќи го како причина наводниот масовен влез на мигранти од трети земји кои бараат азил во Финска на финската граница во организација на Русија. На 22 ноември, финската Влада одлучи да затвори уште три контролни пунктови до 23 декември, оставајќи го отворен само најсеверниот, Раја-Јосепи.
