Министерот за здравство Венко Филипче денеска изјави дека здравствените работници задолжително ќе се вакцинираат бидејќи тие треба да бидат пример. Филипче додава дека пациентите кои се лекуваат мора да знаат дека луѓето кои ги лекуваат се целосно вакцинирани.
За предлог-мерките, Филипче најави дека ќе се разговара на Главниот кризен штаб во понеделник, а потоа и на седница на Влада.
Филипче изјави дека ги следат примерите од останатите држави и оти се повеќе земји од регионот и од Западна Европа применуваат мерки со кои сѐ повеќе рестрикции се однесуваат на невакцинираните.
