АКО сакаме да бидеме искрени, во денешно време ретко ги испуштаме мобилните телефони. Секојдневно поминуваме часови пишувајќи пораки, телефонски повици и проверувајќи ги објавите на социјалните мрежи. Телефоните станаа незаменлив додаток кој го носиме насекаде со нас, дури и на места каде што не треба.
Според истражувањето објавено од The List, 73 отсто од населението го користи својот телефон додека седи во тоалет. Дури 93 отсто од испитаниците, членови на генерацијата Z, признале дека праќаат пораки или играат игри додека вршат нужда. Иако оваа навика можеби не е толку различна од читањето весник или книга додека поминувате време во бањата, таа може да биде штетна. Имено, освен што ве изложува на поголем ризик од болести и инфекции, користењето на телефонот додека сте во тоалет може да предизвика и појава на хемороиди, пишува The Washington Post.
„Поминувањето премногу време седејќи во тоалетот врши притисок врз вените околу анусот, што предизвикува хемороиди“, објаснуваат тие.
Освен тоа, веројатно ги миете рацете по користење на тоалетот, а кога сте го направиле истото со мобилниот телефон? Ако не сте, ризикувате инфекција со бацили.
