Пандемијата на корона вирусот влезе во втората година од своето појавување, а во светски рамки, се уште нема универзално прифатена терапија.
Има неколку лекови лекови кои се прогласени за докажани средства во борбата против короната. но, сепак, за голем број од нив постојат несогласувања во научните кругови, колку навистина помагаат за болеста, пишува Дојче веле.
Лекови кои помагаат против короната
Авиган
Јапонскиот лек против грип Авиган со состојка фавилавир прво предизвика еуфорија во Азија, а потоа и низ целиот свет.Овој лек се користеше против грип и наводно дејствува против разни РНК вируси. Во 2014 година успешно се користеше против ебола. Во 2016 година, јапонската влада го достави како итна помош во Гвинеја во борбата против епидемијата на ебола.
Според најновите откритија, овој лек може да го скрати текот на болеста, но има силни несакани ефекти како што се анафилактичен шок и пневмонија.
Дексаметазон
Дексаметазонот е средство што спречува воспаление и ја намалува смртноста на луѓето кои се приклучени на респиратор и се болни повеќе од седум дена. Институтот Роберт Кох (РКИ) и Светската здравствена организација (СЗО) препорачуваат употреба на овој лек кај такви пациенти. Дексаметазон не треба да се користи кај луѓе со лесни симптоми и не треба да се дава прерано.
Ако се даде прерано, тој забавува и може да го блокира имунолошкиот систем, што во некои случаи доведува до уште потежок тек на болеста – објасни Сандра Циесек, директор на Институтот за медицинска вирусологија при Универзитетската болница во Франкфурт.
Лекови кои не помагаат против короната
Хидроксихлорокин
Хидроксихлорокинот, познат како лек против маларијата, на почетокот на пандемијата за многумина беше надеж во борбата против короната и првично беше во употреба. Во меѓувреме, Институтот за лекови и медицински помагала предупреди дека овој лек не треба да се користи.
Пациентите со Ковид-19, кои се лекуваат со хидроксихлорокин, треба внимателно да се следат поради сериозни контраиндикации што можат да се јават за време на неговата употреба – објави Институтот за лекови на својата веб-страница.
Покрај тоа, нема докажано позитивни ефекти од овој препарат кај пациенти болни од Ковид-19.
Лекови кои предизвикуваат несогласувањаАртемисинин
На почетокот на пандемијата, билниот пијалок „Covid Organics“ од Мадагаскар предизвика сензација: станува збор за активна состојка направена од растението артемизија (пелин). Во моментов нема сигурни клинички студии за ефектите на „Covid Organics“.
Тимот предводен од проф. Питер Сибергер, раководител на Одделот за биомолекуларни системи на институтот Макс Планк, успеа во епрувета да утврди дали екстрактите од артемизија се ефикасни против новиот корона вирус. Студијата досега беше објавена како „препечаток“ и сè уште не е конечна. Втората фаза од студијата е во тек во Мексико, каде што на 360 лица се тестира ефикасноста на растението артемисија ануа кај пациенти со Ковид-19. Резултатите сè уште не се објавени.
Сибергер за „Дојче Веле“ вели дека постпојат „доволно почетни точки“ за научно испитување на ефектите на артемисининот врз корона вирусот. Сепак, тој категорично отфрла „да се консумираат чаеви од артемизија и да се верува дека тие со сигурност ќе спречат Ковид-19 или ќе излечат заразено лице“ и посочува дека „ефектите од артемизијата сè уште не се докажани клинички“.
Тоцилизумаб и сарилумаб
Ефектот на антителата тоцилизумаб и сарилумаб досега беше контроверзен. Состојките кои делуваат најчесто се користат кај пациенти со ревматоиден артритис. Според една неодамнешна студија за печатење, ова, наводно, значително ја намалува смртноста на пациентите заразени со корона вирус.
Владата на Велика Британија планира да ги користи ефективните состојки на овие антитела против корона вирусот во иднина. Друга студија, сепак, покажа дека составните делови на овие антитела всушност не ја намалуваат смртноста.
Ивермектин
Постојат контрадикторни изјави за лекот Ивермектин. Иако овој препарат, кој всушност се користи против шуга и инфекција со глисти, има статус на „чудотворен лек за корона“ во Латинска Америка, Светската здравствена организација и американската ФДА не советуваат негова употреба. Потребни се повеќе студии и тестирање за да се утврди дали Ивермектин може да биде корисен за превенција или третман на коронавирус.
Но, Сојузот на лекари вработени на одделите за интензивна нега (Front Line COVID-19 Critical Care Alliance), откако ги оцени достапните клинички податоци, заклучува дека активната состојка може значително да го намали вирусното оптоварување и да го забрза закрепнувањето кај пациенти со лесна или умерена болест. Во тешки случаи, како што е наведено понатаму, лекот ја намалува потребата за хоспитализација и ја намалува смртноста.
Средства за плакнење на уста и спрејови за нос
Германското здружение за болничка хигиена препорачува употреба на средства за плакнење на уста и грло. Идејата која стои зад тоа: гаргарата убива вируси во грлото. Ако пациентите се заразни, ризикот од инфекција може да се намали накратко.
Се разбира, не можете да дојдете до вируси што се наоѓаат во клетките. Но, тука не станува збор за отстранување на инфекцијата, туку за отстранување на слободни вируси, кои – ако се искашлаат или издишат – можат да се пренесат на другите – вели во интервју за „Дојче веле“, Питер Валгер, портпарол на здружението.
Истото важи и за антивирусни спрејови за нос. Досега, на пример, се дискутираше за производот Алговир. Конктретната причина, како што вели Валгер, се препораките од студија на истражувачка група од Бохум, но и од други научници. Во епрувета тие успеаа да докажат дека разни води за плакнење на устата го намалуваат нивото на вирусот САРС-КоВ-2.
СЗО и Германското стоматолошко друштво препорачуваат од август минатата година пациентите да ја исплакнат устата и грлото со соодветни раствори пред да одат на лекар. Сепак, стручните здруженија истакнаа дека сè уште нема клинички студии кои докажуваат дека миењето на устата помага и против САРС-КоВ-2.
Во моментов е контроверзно дали овие раствори навистина стигнуваат таму каде што се наоѓаат повеќето вируси, покажа студија на редакцијата Коректив. Студија од Германија, со 10 испитаници позитивни на САРС-КоВ-2, заклучи дека испирањето на устата со еден процентен раствор на водород пероксид не го намалува вирусното оптоварување.
Ремдесивир
Доналд Трамп пиеше Ремдесивир откако дозна дека е заразен со корона, но ефектот на Ремдесивир против Ковид-19 е многу контроверзен. Институтот Роберт Кох условно ја препорачува неговата употреба, на пример, во САД. Владата на САД се потпира на студии кои покажуваат дека активната состојка го скратува времетраењето на болеста.
Светската здравствена организација вели дека нема доволно докази за препорака на употреба на Ремдесивир.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
