Европската унија денеска одобри санкции кои ќе се однесуваат на клучните сектори на белоруската економија како и на главните извори на приходи на режимот на авторитарен владетел Александар Лукашенко. Станува збор за санкции кои се однесуваат на белорускиот извоз на ѓубрива, тутунска индустрија, нафта и петрохемиски производи.
Advertisements
На денешниот Самит на 27 земји членки на Унијата, лидери на блокот ги повторија повиците за итно ослободување на сите политички затвореници и произволно притворени лица во Белорусија и побараа „крај на репресијата на граѓанското општество и независните медиуми“ во она што беше наречено како „последната диктатура во Европа“.
