Голема, убедлива победа на Египет против Русија во првиот меч на овие две селекции во главната фаза во квалификациите во групата 4. Домаќинот во целост го надигра рускиот состав, а на крај резултатот беше 28:23 (15:8). Ова значи дека селекторот на Египет, Роберто Парондо, инаку екс стратег на Вардар, му покажа на нашиот селектор Данило Брестовац како треба против Русија. Инаку се знае дека во петок Македонија ќе игра токму против Русија.
Во натпревар од групата 3, Франција со многу мака 29:26 (16:14) успеа да го победи Алжир.
Вечерва на програмата на СП во Египет се уште два меча, се среќаваат Португалија – Норвешка и Шведска – Белорусија, и двата се играат од 20:30 часот.
