Бурим Латифи освен што ја злоупотребува службената положба и бесрамно лаже, велат од ДУИ.
Неприфатливо е, како што потенцираат, директорот на „МЕПСО“ да се обидува да избегне од одговорноста за ваквиот скандалозен чин, обвинувајќи го претходното раководство.
„Имаме јасни докази дека тој самиот го потпишал договорот.
Ова не е само сериозен чин на злоупотреба на јавните средства – 150 евра за цвеќе е страшен трошок, кој за многу семејства претставува трошок за цел месец – туку и обид да се измами јавното мислење.
Овие луѓе не само што неодговорно трошат од парите на граѓаните, туку лажат за да си ги покријат трагите“, нагласуваат од партијата на Ахмети.
