Демократската унија за интеграција (ДУИ) најави дека на претстојните парламентарни избори ќе се залага за воведување на отворени листи. Со оваа промена, граѓаните ќе добијат можност не само да гласаат за политичка партија, туку и самите да одберат кои кандидати од листата сакаат да ги претставуваат во законодавниот дом.
Бујар Османи изјави дека овој модел е чекор напред во правец на пофер изборен систем:
„Избирачите заслужуваат директно да влијаат врз тоа кој ќе ги застапува. Отворените листи се начин да се зајакне нивниот глас и да се обезбеди реална претставеност во Собранието.“
Според ДУИ, оваа иницијатива е дел од нивните заложби за продлабочување на демократијата и зголемување на транспарентноста во институциите. Очекуваат дека ваквата промена ќе придонесе за поголема одговорност кај избраните претставници и посилна врска со граѓаните.
