Антониот Милошоски од ВМРО-ДПМНЕ изјави дека до Собранието поднесен е Предлог закон за изменување на изборниот закон, со што би се овозможило поместување на изборите, согласно договореното помеѓу Заев и Мицкоски. Воедно истото е направено со пописот, но се чека на владина седница прво да биде усвоен предлогот, па владата да го испрати до Собранието.
-Во овој предлог закон измените предвидуваат две клучни работи.
Првата е поместување на терминот за локалните избори за втората половина на октомври, што значи дека локалните избори би се одржале на 24 или на 31 октомври оваа година и втората измена е што се овозможува ефикасна употреба и реализација на законската обврска за употреба на уреди за отисок на прст при гласање, што и овозможува на ДИК да биде на ефикасен начин поврзана со дата базата на МВР.
Сметаме дека овие предложени измени ќе ја зголемат довербата во изборниот процес особено во едно за жал, поларизирано општество како што е нашето.
Втората работа што сакам да ја споменам е дека очекуваме во текот на денешната владина седница да се реализира и она што беше договорена на вчерашната лидерска средба, а тоа е Владата, договорот за одложување на пописот во месец септември да го преточи во предлог за измени и дополнување на Законот за попис на населението и истиот во најкус можен рок да го достави до македонското собрание за да може согласно договорот да биде изгласан пред започнувањето на пописот, вели Милошоски.
