Сите кандидати ја подигнале својата кандидатура, освен во Куманово каде што постапката за собирање потписи сè уште трае, информираат од Државната изборна комисија (ДИК) за МИА.
Потписи за советнички листи се собираат во пет општини: Дебар, Кочани, Чешиново-Облешево, Битола и Могила. Во Битола процесот е во тек, додека во останатите општини потписите веќе се предадени и листите се подигнати.
Од ДИК истакнуваат дека засега нема позначајни разлики меѓу општините во однос на интересот за потпишување, ниту пак се евидентирани проблеми при спроведувањето на постапката во некое од подрачните одделенија.
