Министерството за здравство информира, согласно податоците од Институтот за јавно здравје во последните 24 часа се направени 7.647 тестирања, а регистрирани се 378 нови случаи на КОВИД-19. Во Скопје се регистрирани 118, а во Тетово 114 нови случаи. Токму во овие два града во изминатите неколку денови бројката на заразени се зголемува.
Регистрирани сe 25 оздравени пациенти, а во изминатите 24 часа пријавено е едно починато лице. Бројот на активни случаи во моментов изнесува 1618.
Министерот за здравство Венко Филипче на утринскиот состанок на Комисијата за заразни болести предложил нови мерки до Кризниот штаб и Владата поради ширњерто на Ковид 19.
Истите се однесуваат на епидемиолошката состојба во Тетово:
Она што се предлага е следново:
-Забрана за оджрување на сите масовни настани на затворено, свадби, прослави. Ова е клучно да се почитува во следниот период, а граѓаните мора да разберат дека оваа мерка е нужна
-Исполнетост на затворениот дел од угостителските објекти не смее да надминува 30%, а на масите не смеат да седат повеќе од 4 лица
-Засилени контроли за спроведување на овие мерки но и мерките за лична заштита и тоа пред се носење маски на затворено
-Засилување на теренската вакцинација и комуникацијата на локално ниво со цел зголемување на опфатот, бидејќи е јасно дека само со вакцинација може да спречиме и ширење, и ризици од тешко заболување кај пациентите
