Министерот за здравство д-р Илир Демири во име на Министерството за здравство и во негово лично име, на сите верници од муслиманска вероисповед им го честитам големиот муслимански празник Рамазан Бајрам.
„Празничните денови нека бидат исполнети со добро здравје, мир и благосостојба на сите верници. Во духот на овој голем празник да ги негуваме меѓусебната почит, солидарност, надежта и вербата во добрината на луѓето. Споделете ги даровите на празникот со вашите семејства, роднини, пријатели и соседи. Нека биде благословен и честит празникот Рамазан Бајрам!“, истакнува Демири.
