Воените делегации од Русија, Украина и Турција денеска ќе се сретнат со претставници на ОН за да разговараат за безбедниот извоз на украинско жито, кој стана нарушен поради руската инвазија на Украина. Средбата ќе се одржи во Истанбул, изјави турскиот министер за одбрана Хулуси Акар. Турскиот претседател Реџеп Таип Ердоган во понеделник разговараше за украинскиот извоз на жито во посебен телефонски разговор со рускиот претседател Владимир Путин и украинскиот претседател Володимир Зеленски. Украина и нејзините сојузници се залагаат за повторно отворање на пристаништата на Украина во Црното Море, за кои Киев вели дека се затворени поради руската блокада.
Advertisements
Западните земји ги зголемија барањата за повторно отворање на пристаништата за да се дозволи испорака на жито, особено во земјите од Блискиот Исток и Африка кои зависат од украинското жито за да го прехранат своето население. Ердоган му рекол на Путин дека е време да се преземе акција во врска со планот на ОН за воспоставување безбедни коридори во Црното Море за извоз на жито. Тој, исто така, повтори дека треба да се преговара за траен и праведен мир за да се стави крај на војната, се вели во соопштението на владината канцеларија за комуникации, цитирана од државната новинска агенција Анадолу. Зеленски на Твитер напиша дека ја цени помошта на Ердоган за продолжување на извозот на жито и додаде дека Русија, исто така, мора да се спречи да зема украинско жито од окупираните територии.
