Јувентус повторно ги разочара своите навивачи. Избраниците на Андреа Пирло од Лигата на шампионите се простија во осминафиналето, а со оглед на тоа што нивните шанси за освојување на шампионската титула се минимални, може да се каже дека Роналдо и остатокот играат сезона на заборав.
Синоќа италијанскиот шампион го совлада Порто (3:2) во реваншот од осминафиналето во Лигата на шампионите, но со оглед на тоа што португалскиот тим победи на 2:1 на првиот натпревар, тие отидоа понатаму.
Разочарани се во редовите на Јувентус, а Матијас де Лихт по мечот истакна дека напуштањето на Лигата на шампионите во март е тешко прифатливо.
“Имавме повеќе играчи повеќе од 60 минути. Игравме против десет противнички играчи и ова сценарио е тешко да се преживее. Мислам дека слабо ја отворивме играта”, рече Де Лихт и додаде:
“Игравме добро во второто полувреме, имаше брзина, создававме шанси, постигнавме два гола, но тогаш топката едноставно не влезе во голот. Да се напушти Лигата на шампионите во март е исклучително тешко да се прифати”.
