На 1 јули Данска го презеде шестмесечното претседателство со Советот на ЕУ.
Придржувањето до Преговарачката рамка, вклучително и уставните измени, е услов за Република Северна Македонија за продолжување на преговорите со Европската Унија. Ова го изјави данската министерка за европски прашања Мари Бјоре пред Комисијата за надворешни работи на Европскиот парламент (AFET), јавува БГНЕС, пренесува Трибуна.
Бјоре нагласи дека по уставните измени, Претседателството е подготвено за следната меѓувладина конференција и отворањето на првите преговарачки кластери согласно Преговарачката рамка.
