Судијката Даниела Димовска е избрана за претседател на Основниот кривичен суд Скопје, на денешната седница на Судскиот совет, откако претходниот претседател Иван Џолев беше избран за судија во Апелациониот суд. Димовска ќе ја извршува функцијата од 6 јули до завршување на постапката за избор на нов претседател.
Кандидатурата на Димовска ја предложи координаторката Данка Ристова, а предлогот беше поддржан со мнозинство гласови.
На истата седница, Судскиот совет назначи вршители на должноста претседатели и во другите судови: Елјеса Алији за Основен суд Гостивар, Мерсим Марку за Основен суд Дебар и Валентина Буревска за Основен суд Свети Николе.
Советот разреши дел од судиите поротници во судовите во Свети Николе, Основниот кривичен суд Скопје и Основниот граѓански суд Скопје поради истек на мандатот. Исто така, беше изгласана одлука за формирање комисии за увид и оценка на пријавите по огласот за избор на претседатели на судовите во Дебар, Гостивар и Свети Николе.
Дополнително, судијата Драган Јаковлески од Основен суд Битола е делегиран во Основен суд Прилеп на една година, со цел подобрување на функционирањето на судот.
Текстот Даниела Димовска избрана за претседателка на скопскиот кривичен суд е превземен од МАКФАКС.
