Можно е да сте алергични на многу работи, вклучително и на ниски температури.
Медицинскиот термин за ефект „коприва“ кои се формираат на кожата при изложување на студ се нарекува уртикарија, што е најчест симптом на овој здравствен проблем. Во нешто поретки случаи, може да дојде до тешка акутна алергиска реакција или анафилакса, која може да биде опасна по живот, пренесува Healthline.
Лекарите објаснуваат дека луѓето со оваа алергија забележуваат необични промени на кожата или други симптоми по изложување на ниски температури. Оваа состојба може да се појави ненадејно и да исчезне со текот на времето, додека кај некои луѓе никогаш не исчезнува.
Кои се симптомите?
Иако во повеќето случаи се безопасни, симптомите на алергија на ладно може да вклучуваат:
- коприва или уртикарија, која е црвена, чешачка, подигната рана на местото на изложеност на студ
- чувство на печење на погодената кожа додека вашето тело се загрева
- оток на местото на изложеност на студ
- температура
- главоболка
- болки во зглобовите
- замор
- анксиозност
Тешките симптоми на оваа алергија бараат итна медицинска помош, како што се анафилакса, проблеми со дишењето, отекување на јазикот или грлото, ненадеен пад на крвниот притисок, несвестица и неправилно чукање на срцето. Секој од овие знаци може да има опасни последици, затоа никогаш не треба да ги игнорирате, предупредуваат лекарите.
Појавата на симптоми на алергија на ладно може да варира. Може да откриете дека симптомите се појавуваат речиси веднаш (2 до 5 минути) по изложувањето на ниски температури, додека генерално исчезнуваат по еден час. Меѓутоа, во некои случаи, реакциите се појавуваат многу подоцна, дури и до неколку дена подоцна, што може да биде крајно збунувачки за пациентот, кој не знае што ја предизвикало неговата алергија.
Што предизвикува алергија на ладно?
Алергија може да се појави поради многу причини, вклучително и излегување надвор на ладно време, пливање или капење во ладна вода и влегување во простор кој е климатизиран или чуван на ниски температури, како што е замрзнувач. Генерално, температурата на која сте изложени мора да биде под 4°C за да се појават симптомите. Доколку има алергија, изложувањето на овие ниски температури предизвикува ослободување на хистамин во телото, што ги предизвикува гореспоменатите симптоми.
Третманот за оваа состојба главно е насочен кон ублажување на симптомите, а видот и количината на терапија во голема мера зависи од вашата состојба. Лековите како што се антихистаминиците се едни од најефикасните и можат да го спречат или намалат ослободувањето на хистамин кога се изложени на студ. Ако тие не помагаат или не даваат доволно успешни резултати, лекарот може да препорача други лекови, како што се кортикостероиди, синтетички хормони или антибиотици.
