Миењето на косата изгледа како едноставна задача, а повеќето го прават за време на вечерната рутина бидејќи тогаш има повеќе време за сушење и стилизирање.
Иако многумина мислат дека не е важно дали ќе ја мијат косата наутро или навечер, експертите тврдат дека не е исто и откриваат која рутина е поздрава.
Ако ја миете косата пред спиење, можеби сте забележале дека станува помрсна и морате почесто да ја миете. Експертите велат дека тоа е само видливо затоа што се притиска на перницата за време на спиењето, па се израмнува, или губи волумен, па затоа изгледа подебело. Сепак, оваа загуба на волумен е доволна причина повторно да се мие на секои два дена, што во никој случај не е здраво.
Колку и да мислите дека сте ја исушиле целосно, таа ќе остане малку влажна, а влажната коса е многу почувствителна од сувата и полесно се крши. Краевите се заплеткуваат и се делат, а наутро се будите со лоша и неуредна фризура, па трошите многу време за стилизирање.
Друга причина да се избегне миење на косата во текот на ноќта е формирањето на габи. Сакаат влажни и топли места, а добитна комбинација е мократа коса и меката перница. Она што никогаш не треба да го правите е да заспиете со целосно мокра коса – наутро многу веројатно ќе се разбудите со главоболка, габи, првут…
