Се гледа крајот на пандемијата, очекуваме мирна пролет, смета д-р Нико Беќаровски од Клиниката за токсикологија, пренесува Локално.
Тој информира дека сите кои што истовремено се комплетно вакцинирани и го прележале вирусот, во моментов можат мирно да спијат.
-Може да се заразат, меѓутоа за два-три дена се ќе помине, без многу трчање и паника. Има претерано голем број пациенти по клиниките. Паниката да спласне, за два-три дена се смируваат работите, барем за вакцинираните и тие кои прележале Ковид-19. Државата обезбеди вакцини и рестрикции, меѓутоа сега животот оди понатаму, појаснува д-р Беќаровски.
Во однос на маските во училиштата, докторот смета барем за основците има резон да се размисли и да се овозможи родителите да одлучат или да се укине носењето.
-За затворените простории нема дебата во моментов барем – мора да се носат, категоричен е Беќаровски.
