Навивачката група „Чкембари“ од Битола по последните случувања во Пелистер испратија и ултиматум до актуелната власт во Битола која многу ветуваше во предизборниот период пред четири години, а малку направи посебно за фудбалскиот клуб на кој сега му се заканува испаѓање од првата лига доколку не се решат неколку точки кои пак како ултиматум ги постави ФФМ.
Во продолжение во целост го пренесуваме соопштението од „Чкембари“:
Почитувани, во рок од 48 часа да го одблокирате фудбалскиот клуб (блокадата е за околу 20.000евра) и да пријавите фудбалаери кои ќе се натпреваруваат во новата сезона. Ние како навивачка група и веруваме ветераните на фудбалскиот клуб Пелистер ви се ставаме на располагање во овие моменти. Не наседнувајте на лажни инвеститори кои можат засекогаш да го оштетат Пелистер! Несериозни уште на самиот старт, а како ќе биде понатаму??
Самите изјавувате дека досега вашата гарнитура во Фк Пелистер дала околу 600.000 евра, ако тука го ставиме и стадионот со околу 5 милиони евра, кој е наменет токму за Пелистер, тогаш сите овие инвестиции ви паѓат во вода за 20.000 евра. Вашата очигледна незаинтресираност за фудбалскиот проблем и оставањето на другите да го решават овој проблем не доведе до оваа ситуација.
Лесно се решава:
1.Одблокирајте го клубот
2.Пријавете играчи
3.Обезбедете нормално функционирање за наредните 5 месеци
4.Најдете СЕРИОЗЕН ИНВЕСТИТОР!!!
Овој апел ќе го слушнете уште утре од нас лично, сфатете го сериозно, штетата може да биде непоправлива!!
