„Нема промена во позицијата на Бугарија во однос на РС Македонија“, изјави службениот министер за надворешни работи на Р. Бугарија Светлан Стоев. Службениот министер денеска се сретна со министерот за надворешни работи на Португалија Августо Силва и комесарот за проширување на ЕУ Оливер Вархеји, јавува бугарската агенција БГНЕС, пренесува Трибуна.
„Бугарија продолжува да биде доследна во својата поддршка за европската интеграција на земјите од Западен Балкан, се разбира според зачувување на критериумите за индивидуалните достигнувања на секоја една земја и фундаменталната вредност на заедницата- добрососедството. Отворени сме за откриен и одговорен дијалог со РС Македонија. Очекуваме од нашите најблиски соседи во реонот да работиме во духот на искреноста и конструктивноста. Сакам да подвлечам дека по темата во Бугарија има едногласност и не може да се очекува промена во однос на позицијата на Бугарија кон РС Македонија“, изјави министерот Стоев.
Тој изрази подготвеност да се сретне со својот колега Бујар Османи за да разгледаат иницијативи коишто можат да бидат реализирани од службената Влада од Бугарија.
„За нас е од клучно значење одржувањето на добрососедски односи и добивањето на гаранции за спроведување на Договорот од 2017 година“, подвлече министерот Стоев.
„Нашата цел е со конкретни чекори да го возобновиме дијалогот со Скопје вклучително и на највисоко рамниште, кој што ќе даде основ на идната бугарска Влада да ги врати односите до нивото до коешто треба да бидат меѓу толку две блиски држави“, вели Стоев.
Од своја страна министерот за надворешни работи на Португалија Августо Силва подвлече дека проширувањето на Унијата е еден од приоритетите на Португалија. Тој истакна два процеси во однос на проширувањето: Почетокот на меѓувладините конференции со Србија и Црна Гора и одобрување на преговорната рамка за РС Македонија и Албанија.
„И за двата процеси е од огромно значење да ги чуеме бугарските предлози, иницијативи и грижи. Ние тоа го правиме преку дипломатски и политички канали, затоа сега беше времето да спроведеме директни политички консултации со Бугарија, бидејќи тие се од огромно значење за процесот и се многу важни за португалското претседателство“, изјави министерот Силва.
Еврокомесарот Вархеји од своја страна изјави дека за ЕУ е многу важно да ги чуе ставовите на важните држави членки по темата за проширувањето.
„Бугарија е водечка држава членка што се однесува до развојот на нашата политика за земјите од Западен Балкан, затоа што секогаш вреди да дојдеме тука за да добиеме идеи и да ги направиме неопходните консултации“, изјави Вархеји и додаде дека ЕУ се наоѓа на важна раскрсница и има решенија кои можат да бидат земени.
