Бугарија изразува интерес за создавање на заедничко командување на Северноатлантскиот пакт (НАТО) за регионот на Црното Море, во соработка со Романија и Турција, пренесува БГНЕС.
Како што пренесува романското издание G4Media, Владата во Софија веќе усвоила решение со кое го одобрила проектот за писмо подготвено од министрите за одбрана на Бугарија и Романија, упатено до нивниот турски колега. Во писмото, властите во Софија ја повикуваат Турција да се приклучи кон Меморандумот за разбирање меѓу министерствата за одбрана на двете земји, кој се однесува на формирањето на регионално командување за специјалните сили во Црноморскиот регион.
