Во сезоната 2020/2021 година вкупниот број заболени од сезонски грип изнесува 539, што е за 92,5 отсто помалку споредено со истиот период лани и 94,5 отсто помалку во однос на типичната сезонска крива, соопшти Министерството за здравство.
Најголемиот број заболени се пријавени во возрасната група која опфаќа најголем дел од населението од 15 до 64 години (228 случаи), а највисок процент (на 100) се регистрира кај децата на возраст до четири години.
Од Министерството за здравство сметаат дека причина за намалување на бројот на заболени и на пациенти од сезонски грип се мерките за заштита од ковид-19.
