Данска ја потврди британската мутација коронавирус во речиси половина од позитивните тестови во втората недела од февруари, изјави министерот за здравство Магнус Хеунике.
„Иако бројот на инфекции во Данска е намален, британската мутација се шири. Стапката на инфекција со оваа мутација, што покажува колку луѓе можат да бидат заразени од едно лице заразено со оваа варијанта, е 1,25“, напиша Хеунике на Твитер.
-Во првата недела од оваа година, британската мутација беше откриена кај 3,7 проценти од позитивните тестови, а во втората недела од февруари кај 45 проценти од сите позитивни тестови по анализата на генетскиот материјал, додаде данскиот министер.
