Бранислав Лечиќ откри дека добил повик од Вишото јавно обвинителство во Белград, и дека во петок тој ќе ја даде својата изјава по повод обвинувањата од страна на Даниела Штајнфелд дека тој ја силувал.
„Нормално дека ќе се појавам по повод поканата на Обвинителството. Јас во медиумите веќе сум осуден како силувач, монструм, насилник, предатор, подлец, лицемер…. Можеби утре во медиумите ќе се појави некој маж или пак дете, па ќе излезе дека сум силувач и на деца“. Тоа можеше на секој да му се случи, да биде така обвинет, така анатемиран, што покажува дека немаме правна држава, обвинувањата преку медиумите покажуваат дека ние сме орда, а не цивилизирано општество, бидејќи во спротивно би го сочекале ставот на државните органи, па потоа би осудиле некого“, изјави Лечиќ за „Република.рс“
„И поставувам прашање на јавноста: Дали едната и другата страна во оваа постапка имаат право да ја кажат својата вистина пред правосудните органи, или веќе медиумите ми закажаа јавно стрелање, а јас само треба да дојдам во бела кошула и јавно да ме стрелаат“, порача актерот
Како што тврди тој, со актерката никогаш немал „ниту љубовен однос, ниту сексуален, а особено негира дека постоело силување“.
Тој ја повика актерката да го објави разговорот во целина.
Да се потсетиме, еден од доказите кој е доставен до Обвинителството е и снимката од разговорот кој актерката го снимила со Лечиќ неколку години по силувањето.
Се огласи и мајката на Даниела Штајнфелд: „Сè што ќерка ми кажа во интервјуто е точно“
