Македонската министерка за енергетика Сања Божиновска на прес-конференција најави дека ќе се консултира со своите адвокати дали се уште има бугарска самосвест, јавува БГНЕС, пренесува Трибуна.
Во јуни годинава стана јасно дека Божиновска има бугарско државјанство и дека управува со фирма во Хрватска со бугарски пасош. А за да добие бугарско државјанство, кандидатот мора пред властите во Софија да изјави дека се чувствува како Бугарин односно Бугарка и дека има бугарски корени .
На прашањето дали на јавноста ќе и покаже документ со кој се потврдува дека повеќе не е бугарска државјанка, Божиновска од редовите на ВМРО-ДПМНЕ одговори дека ќе мора да се консултира со адвокатите.
На прашањето дали се уште има бугарски пасош, таа изјави: „Прашањето е неважно за темата на прес-конференцијата. Имам македонско и чешко државјанство. Имам и македонски и чешки пасош. Ќе морам да се консултирам со адвокатите. За ова прашање тие ја спроведоа оваа постапка одамна.
Истиот одговор Божиновска го даде и на прашањето дали „се уште постои бугарска самосвест“:
„Значи, тоа беа изјави за кои сега не се сеќавам. Тоа беше многу одамна. Не го водев јас процесот, значи. Го водеше адвокатска канцеларија.“
БГНЕС потсетува дека Божиновска признала дека има бугарско државјанство, од кое побарала изземање. Во јуни таа тврдеше дека постапката е завршена. Божиновска, пак, не докажа дали добила решение за ослободување од државјанство, без кое формално се уште е државјанка на Бугарија. Министерката од кабинетот на Христијан Мицкоски поседува голем број имоти во Шпанија, Португалија и Србија.
